Aur er vörumerki Kviku banka hf., kt. 540502-2930, Katrínartúni 2, Reykjavík. Kvika banki hf. er með starfsleyfi sem viðskiptabanki frá Fjármálaeftirlitinu.

Kvika banki er ábyrgðaraðili sérhverra persónuupplýsinga sem við vinnum um þig í tengslum við þá þjónustu sem við veitum viðskiptavinum okkar í gegnum greiðslulausn Aur. Um vinnslu á persónuupplýsingum um notendur Aur gildir persónuverndarstefna Kviku banka hf.

Hafir þú spurningar við persónuverndarstefnuna eða viljir þú koma á framfæri kvörtun eða beiðni til Aur vegna vinnslu persónuupplýsinga í tengslum við Aur app, biðjum við þig um að hafa samband við persónuverndarfulltrúa Kviku í gegnum netfangið personuvernd@kvika.is eða aur@aur.is

Persónuverndarstefna þessi (hér eftir „stefnan“) tekur til viðskiptamanna allra vörumerkja Kviku þ.m.t. viðskiptavina bankans, Auðar, AUR, Framtíðarinnar lánasjóðs, Lykils og Netgíró. Í stefnunni eru veittar upplýsingar um það hvaða persónuupplýsingum Kvika banki hf., Katrínartúni 2, 105 Reykjavík, (hér eftir „Kvika“ eða „bankinn)“ safnar um viðskiptamann, hvernig bankinn vinnur persónuupplýsingar og í hvaða tilgangi, hversu lengi má ætla að upplýsingarnar séu geymdar, hvert þeim kann að vera miðlað og hvernig öryggi þeirra er gætt í starfsemi bankans. Þegar talað er um Kviku eða bankann er einnig átt við öll vörumerki bankans þ.e. Auði, Aur, Framtíðina lánafélag, Lykil og Netgíró. Einnig er að finna upplýsingar um réttindi viðskiptamanns vegna vinnslu persónuupplýsinga hjá bankanum. Stefnan er sett með það fyrir augum að tryggja sanngjarna og gagnsæja vinnslu á persónuupplýsingum í samræmi við lög um persónuvernd og meðferð persónuupplýsinga. 

Þessi persónuverndarstefna er sett með vísan til 17. gr. laga nr. 90/2018 um persónuvernd og meðferð persónuupplýsinga. Stefnan tekur aðeins til einstaklinga en ekki lögaðila. Hugtakið „persónuupplýsingar“ nær til allra upplýsinga sem mögulegt er að tengja tilteknum einstaklingi beint eða óbeint, t.d. með tilvísun í auðkenni hans s.s. nafn, kennitölu, notendanafn, netfang, lánsnúmer, o.fl. Stefna þessi nær til fyrrverandi, núverandi og verðandi viðskiptamanna bankans, aðila sem eru tengdir viðskiptamanni (t.d. fjölskyldumeðlima), ábyrgðarmanna og annarra viðeigandi aðila, s.s. raunverulegs eiganda fjármuna, umboðsmanns viðskiptamanns, prókúruhafa og aðila tengdum viðskiptamanni ef um lögaðila er að ræða. Stefnan nær einnig eftir atvikum til annarra einstaklinga en viðskiptamanns, t.d. starfsmanna hjá verktökum bankans og þeirra sem heimsækja starfsstöðvar eða vefsíðu bankans, www.kvika.is, eins og nánar er lýst í stefnu þessari. Þegar vísað er til viðskiptamanns í stefnu þessari er átt við alla framangreinda aðila. Kvika er ábyrgðaraðili sérhverra persónuupplýsinga sem bankinn safnar og vinnur um viðskiptamann og ber því ábyrgð á því að vinnsla persónuupplýsinga sé í samræmi við gildandi persónuverndarlög.

Kvika safnar upplýsingum um viðskiptamann, ýmist frá honum sjálfum eða frá öðrum aðilum til að geta boðið viðskiptamanni vörur og þjónustu. Söfnun slíkra upplýsinga kann að vera nauðsynleg til að uppfylla skyldur sem hvíla á bankanum samkvæmt lögum, þá sérstaklega lögum sem gilda um aðgerðir gegn peningaþvætti o.fl., lögum um neytendalán, lögum um fjármálafyrirtæki og lögum um markaði fyrir fjármálagerninga. Einnig er söfnun persónuupplýsinga nauðsynleg til að hægt sé að veita viðskiptamanni þjónustu eða bjóða upp á vörur eða þjónustu.

Hér á eftir er lýsing á flestum þeim flokkum persónuupplýsinga sem bankinn vinnur með og lýsing á tilgangi vinnslu þessara upplýsinga:

a) Samskiptaupplýsingar: nafn, heimilisfang og aðrar samskiptaupplýsingar s.s. eins og netfang, símanúmer og starfstitill svo bankinn geti haft samband við viðskiptamann. 

b) Kennitala, skilríki og auðkenni: Kennitölur, skilríki, upplýsingar um þjóðerni, t.d. eins og vegabréf, ökuskírteini og rafræn auðkenni svo að bankinn geti borið kennsl á viðskiptamann.  

c) Fjárhagsupplýsingar: Viðskiptasaga, velta, hreyfingar á reikningum og staða reikninga, reikningsnúmer, greiðslukortaupplýsingar, vaxtakjör, tekjur, fjárhagsskuldbindingar, vanskil, lánshæfismat, greiðslumat o.fl. svo hægt sé m.a. að taka ákvarðanir um láns- og greiðsluhæfi og koma í veg fyrir að viðskiptamaður verði skuldsettur um of. 

d) Samningsupplýsingar: Atriði er varða þá samninga sem viðskiptamaður hefur gert við félagið og upplýsingar um þær vörur og þá þjónustu sem bankinn veitir viðskiptamanni svo hægt sé að framfylgja ákvæðum samninga. 

e) Upplýsingar um samskipti: Upplýsingar sem bankinn fær frá viðskiptamanni með bréfum og tölvupóstum sem viðskiptamaður sendir bankanum svo bankinn geti veitt viðskiptamanni þjónustu, bætt hana og brugðist við erindum hans og ábendingum. 

f) Opinberar upplýsingar: T.d. upplýsingar úr þjóðskrá, fasteignaskrá, hlutafélagaskrá og öðrum opinberum skrám ásamt upplýsingum sem hægt er að fá aðgang að hjá fjárhagsupplýsingastofu eða upplýsingar sem hafa verið gerðar opinberar á internetinu. Þessar upplýsingar eru notaðar í ýmsum tilgangi í tengslum við starfsemi bankans. 

g) Upplýsingar vegna áreiðanleikakönnunar: Upplýsingar sem gera bankanum kleift að framkvæma áreiðanleikakönnun á grundvelli laga nr. 140/2018 um aðgerðir gegn peningaþvætti og fjármögnun hryðjuverka og að tryggja framfylgni við alþjóðlegar refsiaðgerðir (e. international sanctions) þ.m.t. ganga úr skugga um að tilgangur og eðli viðskiptasambands sé í samræmi við lög og hvort viðskiptamaður sé í áhættuhópi vegna stjórnmálatengsla. 

h) Rafræn vöktun: Haft er eftirlit með starfsstöð bankans með eftirlitsmyndavélum í öryggis- og eignavörsluskyni. 

i) Hljóðritun símtala: Símtöl viðskiptamanns við bankann kunna að vera hljóðrituð. Þessi vinnsla fer t.d. fram til þess að hægt sé að færa sönnur á því hvort viðskipti hafi farið fram og í öryggisskyni. 

j) Samþykki: Hvers konar samþykki eða leyfi sem viðskiptamaður veitir bankanum. Í þessu felast m.a. upplýsingar um hvernig viðskiptamaður vill að haft sé samband við hann, t.d. hvort hann afþakki bréfasendingar frá bankanum eða samskipti vegna vefköku. 

k) Kökur: Kökur (e. cookies) eru litlar tölvuskrár sem eru sendar í tölvu viðskiptamanns eða snjalltæki þegar viðskiptamaður heimsækir vefsíðu. Þær vistast í tæki viðskiptamanns og eru sendar til baka þegar hann heimsækir vefsíðuna aftur. Kökurnar geyma upplýsingar um heimsóknir viðskiptamanns á vefsíður t.d. svo hann þurfi ekki að slá inn notendanafn eða lykilorð í hvert sinn sem hann heimsækir vefsíðuna eða til að greina umferð á vefsíðu, sjá nánar skilmála Kviku um notkun á vefkökum á heimsíðu bankans. 

l) Upplýsingar um hæfi: Bankinn metur hæfi viðskiptamanns til að eiga viðskipti og vinnur í þeim tilgangi upplýsingar um menntun og reynslu viðskiptamanns, fjárhagslega stöðu og áhættusækni í því skyni að flokka viðskiptamann semalmennan fjárfesti eða fagfjárfesti. 

m) Upplýsingar um hegðun og notkun: Upplýsingar um hvernig viðskiptamaður notar vörur bankans og þjónustu svo bankinn geti bætt þessa þætti en einnig til þess að fylgjast með því hvort ekki sé allt með felldu bæði hvað varðar öryggi og notkun. 

n) Tæknilegar upplýsingar: T.d. upplýsingar um þann búnað sem viðskiptamaður tengist bankanum með og afleidd gögn af þeirri tengingu t.a.m. IP-tölur, vafra, útgáfu af stýrikerfi og framkvæmdar aðgerðir. Tilgangurinn er að bæta þjónustu og framkvæma villuleit. 

o) Umsækjendaupplýsingar: Upplýsingar sem umsækjandi um starf hjá bankanum veitir og koma fram á ferilskrá umsækjanda s.s. nafn, kennitala, heimilisfang, símanúmer, netfang, menntun og hæfni, starfsreynsla, o.s.frv. 

p) Viðkvæmar persónuupplýsingar: Sumar persónuupplýsingar eru flokkaðar sem viðkvæmar í lögum um persónuvernd. Þetta eru t.d. upplýsingar er varða kynþátt eða þjóðernislegan uppruna, stjórnmálaskoðanir, trúarbrögð eða heimspekilega sannfæringu, aðild að verkalýðsfélagi, erfðafræðilegar upplýsingar, lífkennaupplýsingar og heilsufarsupplýsingar. Kvika hvorki safnar þessum persónuupplýsingum né vinnur þær án samþykkis viðskiptamanns nema með sérstakri lagaheimild. Í einhverjum tilvikum kann vinnsla að reynast bankanum nauðsynleg með vísan til almannahagsmuna eða til að unnt sé að stofna, hafa uppi eða verja réttarkröfur.

Framangreind upptalning er ekki tæmandi og bankinn getur unnið aðrar upplýsingar um viðskiptamann sem eru nauðsynlegar hverju sinni eftir eðli viðskiptasambandsins eða samskipta viðskiptamanns við bankann. Rétt er að benda á að viðskiptamanni er ávallt valkvætt að veita persónuupplýsingar. Séu upplýsingar ekki veittar kann það þó að hafa áhrif á möguleika Kviku til að veita viðskiptamanni þjónustu.

NOTKUN PERSÓNUUPPLÝSINGA & VINNSLUGRUNDVÖLLUR

Það fer eftir eðli samningssambands viðskiptamanns og Kviku hvaða heimild liggur til grundvallar vinnslu persónuupplýsinga og í hvaða tilgangi upplýsingarnar eru unnar.

Kvika notar einkum persónuupplýsingar viðskiptamanns til að hafa samband við viðskiptamann, auðkenna hann og tryggja öryggi og áreiðanleika í viðskiptum, til að framkvæma umbeðin viðskipti og veita fjármálaþjónustu, til að þróa vöru- og þjónustuframboð bankans, bregðast við lögfræðilegum beiðnum og tryggja net- og upplýsingaöryggi. Heimildir Kviku til vinnslu persónuupplýsinga byggja í flestum tilvikum á eftirfarandi:

a) Uppfylla samningsskyldur bankans 
Persónuupplýsingar eru unnar til að veita banka- og fjármálaþjónustu í samræmi við samning sem gerður er við viðskiptamann bankans. Tilgangur vinnslunnar er mismunandi eftir þeirri þjónustu sem veitt er, s.s. reiknings- og greiðsluþjónusta, lánafyrirgreiðslur, eignastýring, ráðgjöf og varsla, séreignarsparnaður, fyrirtækjaráðgjöf o.s.frv. Frekari upplýsingar um tilgang vinnslu á grundvelli samninga bankans við viðskiptamann má finna í viðkomandi samningum og skilmálum þeirra. 

b) Uppfylla lagaskyldu 
Vinnsla Kviku á persónuupplýsingum byggir að miklu leyti á nauðsyn bankans til að uppfylla ýmsar lagalegar skyldur um vinnslu ákveðninna persónuupplýsingaí tilteknum tilgangi. Þar má í dæmaskyni nefna eftirfarandi lög: 
1. Lög nr. 161/2001 um fjármálafyrirtæki 
2. Lög nr. 120/2011 um greiðsluþjónustu 
3. Lög nr. 140/2018 um aðgerðir gegn peningaþvætti og fjármögnun hryðjuverka -. 
4. Lög nr. 33/2013 um neytendalán 
5. Lög nr. 115/2021 um markaði fyrir fjármálagerninga 
6. Lög nr. 87/1998 um opinbert eftirlit með fjármálastarfsemi 
7. Lög nr. 129/1997 um skyldutryggingu lífeyrisréttinda og starfsemi lífeyrissjóða 
8. Lög nr. 90/2003 um tekjuskatt 
9. Lög nr. 145/1994 um bókhald 
10. Lög nr. 118/2016 um fasteignalán til neytenda 
11. Lög nr. 32/2009 um ábyrgðarmenn 

Öflun upplýsinga í þeim tilgangi að auðkenna viðskiptamann, meta áreiðanleika hans, lánshæfi og hæfi til að stunda verðbréfaviðskipti, uppfylla lögbundna tilkynningarskyldu og stýra áhættu bankans byggir m.a. á framangreindum lögum. Þá ber bankanum skylda til að verða við beiðnum yfirvalda eins og Fjármálaeftirlits Seðlabanka Íslands, embættis héraðssaksóknara, Skattsins, tollgæsluyfirvalda eða annarra þar til bærra yfirvalda um upplýsingar frá bankanum um viðskiptamann, að því gefnu að skýr lagaheimild liggi slíkum beiðnum til grundvallar. 

Eftirfarandi dæmi eru um vinnslu persónuupplýsinga á grundvelli lagaskyldu: 
1. framkvæmd lánshæfis- og greiðslumats, við mat á eiginfjárhlutfalli bankans og vegna tryggingaáhættu
2. áreiðanleikakönnun einstaklinga á grundvelli laga um aðgerðir gegn peningaþvætti og fjármögnun hryðjuverka 
3. greining og rannsókn á málum er varða peningaþvætti, fjármögnun hryðjuverka, fjársvik og annars konar refsiverða háttsemi 
4. lögboðið innra eftirlit 
5. varðveisla tiltekinna persónuupplýsinga á grundvelli laga um ársreikninga, laga um bókhald og laga um verðbréfaviðskipti 

c) Gæta lögmætra hagsmuna bankans eða þriðja aðila 
Í tilvikum þar sem vinnsla er nauðsynleg vegna lögmætra hagsmuna Kviku, þriðja aðila eða viðskiptamanns kann bankinn að vinna persónuupplýsingar um viðskiptamann umfram það sem þarf til að uppfylla og framfylgja samningsskyldum bankans, nema hagsmunir viðskiptamanns vegi þyngra. Kvika vinnur persónuupplýsingar á þessum grundvelli einkum í tengslum við áhættustýringu og eignaog öryggisvörslu bankans, t.d. í tengslum við: 
1. að framfylgja kröfum bankans eða þriðja aðila; 
2. áhættustýringu; 
3. forvarnir gegn svikum og skipulagðri glæpastarfsemi; 
4. upplýsingaöryggi í bankanum; 
5. eftirlit á starfstöð bankans og aðgangsstýringar; 
6. almennt viðskiptamannahald og samskipti; 
7. markaðssetningu, nema viðskiptamaður hafir andmælt því; 
8. sjálfvirka ákvarðanatöku við mat á lánveitingum og áhættustýringu tengda þeim; 
9. miðlun vanskila viðskiptamanns milli vörumerkja innan Kviku vegna áhættustýringar; og
10. endurskoðun og hagræðingu á þjónustu. 

Þá hefur bankinn lögmæta hagsmuni af því að vinna með persónuupplýsingar viðskiptamanna til að þróa vörur og þjónustu bankans svo mæta megi sem best þörfum og væntingum viðskiptamanna og til að þróa vörur og þjónustu bankans. Slík vinnsla fer ekki fram ef grundvallarréttindi og frelsi einstaklings um persónuvernd vega þyngra en hagsmunir af vinnslunni. Bankinn vinnur með ýmsar persónuupplýsingar og greinir viðskiptamenn m.a. út frá viðskiptasögu og vörunotkun. Bankinn hefur lögmæta hagsmuni af því að flokka viðskiptamenn (vildarflokkun) með ákveðnum hætti til þess að geta boðið þeim ýmsa sérsniðna þjónustu sem hentar þeim og verðlagt vörur og þjónustu á sem nákvæmastan hátt. Kvika hefur jafnframt lögmæta hagsmuni af því að vinna með persónuupplýsingar til beinnar markaðssetningar svo hægt sé að kynna fyrir viðskiptamanni þær sérsniðnu vörur og þjónustu sem bankinn hefur að bjóða þeim. Bankinn notar ýmsar leiðir til að þess, s.s. með skilaboðum í gegnum netbanka, gegnum öpp bankans (aðallega Aur og Auður), samfélagsmiðla og vefsíður bankans en einnig með því að senda tölvupóst á netfang sem viðskiptamaður hefur gefið upp. Viðskiptavinur getur afþakkað slík skilaboð í hvert sinn sem þau berast eða með því að hafa samband við bankann á netfangið kvika@kvika.is eða hringja í þjónustuver í s. 540-3200. 

Eftirfarandi eru dæmi um vinnslu á þessum grundvelli: 
1. að bæta vöru- og þjónustuframboð; 
2. persónuupplýsingar eru greindar í flokka, s.s. lánshæfismat, sparnaður og innlán, til þess að koma auga á tækifæri til að bæta vörur og þjónustu bankans almennt og að greina tækifæri til að bjóða núverandi viðskiptavin sérsniðnar vörur og þjónustu; 
3. bankinn nýtir upplýsingar um viðskiptamann við ákveðin vörumerki bankans í þeim tilgangi að senda viðskiptamanni upplýsingar um vöruframboð, fríðindi og þjónustu annarra vörumerkja bankans sem henta honum; 
4. að veita viðskiptavin sérsniðna og faglega fjármála- og tryggingaráðgjöf; 
5. að greina og rannsaka mál er varða net- og upplýsingaöryggi, m.a. til að koma í veg fyrir fjársvik; og 
5. að vinna með upplýsingar um lögaðila, eigendur, stjórn lögaðila, framkvæmdastjórn, prókúruhafa svo bankinn geti tekið upplýsta ákvörðun um fyrirgreiðslu, tryggingar og ábyrgðir.

d) Á grundvelli samþykkis 
Ef viðskiptamaður hefur veitt bankanum samþykki fyrir vinnslu persónuupplýsinga í ákveðnum tilgangi er samþykki grundvöllur slíkrar vinnslu, t.d. í tengslum við öflun lánshæfis- og greiðslumats hjá CreditInfo hf. Kvika aflar að auki samþykkis viðskiptamanns ef fyrirséð er að persónuupplýsingar verði notaðar í öðrum tilgangi en þegar þeirra var upphaflega aflað. Dæmi um slíkt er að bjóða viðskiptamanni þjónustu annarra aðila, s.s. tryggingafélaga. Í slíkum tilvikum veitir bankinn viðskiptamanni nánari upplýsingar um þá tilteknu vinnslu persónuupplýsinga sem samþykkið nær til. 

Viðskiptamaður á ávallt rétt á því að draga samþykki sitt til baka. Afturköllun samþykkis hefur þó ekki áhrif á lögmæti vinnslu persónuupplýsinga sem átti sér stað fyrir afturköllun. 

e) Vinnsla persónuupplýsinga um börn 
Vinnsla Kviku á persónuupplýsingum um barn getur farið fram ef það er nauðsynlegt í þeim tilgangi að framkvæma umbeðin viðskipti eða þjónustu, t.d. vegna stofnunar greiðslureiknings, útgáfu debetkorts, opnun aðgengis að netbanka. Bankinn aflar samþykkis forráðamanns fyrir vinnslu persónuupplýsinga um barn áður en barni sem ekki hefur náð 13 ára aldri er boðin rafræn þjónusta, í samræmi við lög um persónuvernd. Bankinn sendir markaðsefni er varðar kynningu á vörum og þjónustu sem ætlað er börnum til forráðamanna þeirra. Forráðamenn hafa möguleika á að afþakka markaðsefni með því að hafa samband við bankann á netfangið kvika@kvika.is eða símanúmer 540-3200.

Að því marki sem nauðsynlegt er til að framfylgja samningsskyldum bankans við viðskiptamann hafa starfsmenn Kviku aðgang að persónuupplýsingum. Auk þess hafa þjónustuaðilar Kviku, sem vinna persónuupplýsingar í þágu bankans, aðgang að persónuupplýsingum. Þetta eru fyrirtæki sem veita greiðsluþjónustu, fjármálaþjónustu, hýsingar- og upplýsingatækniþjónustu, póstþjónustu, prentþjónustu, fjarskiptaþjónustu, innheimtuþjónustu, ráðgjöf, endurskoðun og sölu- og markaðsþjónustu. Kvika leitar aðeins til þjónustuaðila sem veita persónuupplýsingum fullnægjandi vernd samkvæmt persónuverndarlöggjöfinni.

Þá miðlar Kvika upplýsingum til fyrirtækja innan samstæðu bankans í tengslum við lögbundna áhættustýringu. Kvika varðveitir upplýsingar um vanskil í þeim tilgangi að áhættumeta viðskiptamann og nýtir þær upplýsingar m.a. í tengslum við sjálfvirka ákvarðanatöku við áhættustýringu og við mat á lánveitingum. Upplýsingum um vanskil viðskiptamanna er miðlað á milli vörumerkja, þannig að vanskil viðskiptamanns hjá einu vörumerki innan Kviku getur haft áhrif á lánafyrirgreiðslur viðskiptamanns og aðra þjónustu í tengslum við viðskipti við annað vörumerki.

Loks er Kviku skylt samkvæmt lögum að veita opinberum aðilum aðgang að persónuupplýsingum, s.s. Seðlabankanum, skattyfirvöldum, eftirlitsaðilum, lögregluyfirvöldum, skiptastjórum og dómstólum. Þá getur Kvika, á grundvelli samþykkis, miðlað upplýsingum til utanaðkomandi aðila. Í tengslum við miðlun persónuupplýsinga út fyrir bankann er rétt að taka fram að starfsmenn Kviku eru bundnir þagnarskyldu um allt það er varðar hagi viðskiptamanna bankans og um önnur atriði sem þeir fá vitneskju um í starfi sínu og leynt skulu fara samkvæmt 58. gr. laga um fjármálafyrirtæki nr. 161/2002, nema skylt sé að veita upplýsingar samkvæmt lögum eða viðskiptamaður hefur veitt samþykki fyrir slíkri miðlun.

Dæmi um miðlun persónuupplýsinga er t.d. þegar skylda er til að aðstoða við endurheimt fjármuna sem borist hafa inn á reikninga viðskiptamanns fyrir mistök; þegar nauðsynlegt er að rekja fjármagn vegna gruns um svik eða fjárglæpi; vegna innheimtu vanskilakrafna; vegna meðferðar máls fyrir úrskurðarnefndum eða dómstólum; þegar lög kveða á um afhendingu upplýsinga; og þegar viðskiptamaður samþykkir sjálfur miðlun upplýsinga til annarra t.d. vegna markaðsetningar.

MIÐLUN UTAN EVRÓPSKA EFNAHAGSSVÆÐISINS

Í vissum tilvikum kunna gögn að vera flutt úr landi og út fyrir Evrópska efnahagssvæðið (EES), til dæmis í þeim tilgangi að uppfylla samningsskyldur við viðskiptamann eða skyldur sem hvíla á bankanum samkvæmt lögum. Kvika miðlar aðeins persónuupplýsingum til landa utan EES-svæðisins ef það er nauðsynlegt í því skyni að framkvæma beiðnir viðskiptamanns, s.s. greiðslubeiðnir eða viðskiptabeiðnir, þess er krafist samkvæmt lögum. S.s. tilkynningarskylda samkvæmt skattalöggjöf (CRS og FATCA) eða viðskiptamaður hefur veitt samþykki fyrir slíkri miðlun. Þegar miðlun á sér stað þá ber Kvika ábyrgð á því að viðeigandi verndarráðstafanir séu til staðar hjá viðtakanda svo fullnægjandi vernd persónuupplýsinga þinna sé tryggð.

Persónuupplýsingar eru varðveittar á meðan viðskiptasamband varir og lög mæla fyrir um eða viðskiptahagsmunir Kviku krefjast og málefnaleg ástæða þykir til. Málefnaleg ástæða er til staðar ef enn er unnið með upplýsingarnar í samræmi við upphaflegan tilgang með söfnun þeirra eða vegna viðskiptalegra hagsmuna bankans, t.d. til þess að afmarka, setja fram og verja kröfur bankans. 

Kvika leitast við að varðveita ekki upplýsingar á persónugreinanlegu formi lengur en nauðsynlegt er. Kvika byggir varðveislutíma einkum á lögum um bókhald, lögum um tekjuskatt, lögum um virðisaukaskatt, lögum um peningaþvætti o.fl., lögum um verðbréfaviðskipti, lögum um opinbert eftirlit með fjármálastarfsemi, leiðbeinandi tilmælum FME um upplýsingakerfi eftirlitsskyldra aðila, lögum um fyrningu kröfuréttinda o.s.frv. Ef upplýsingar eru taldar hafa sögulegt gildi þá eru upplýsingarnar gerðar ópersónugreinanlegar með afmáningu persónuauðkennis. 

Hljóðritanir eru varðveittar í samræmi við innri reglur bankans um rafræna vöktun og skilgreina þær reglur hvaða borðsímar og farsímar eru hljóðritaðir og hversu lengi skuli geyma símtölin. Geymslutíminn er 5 ár ef um er að ræða fyrirmæli vegna verðbréfaviðskipta en annars 90 dagar.

Viðskiptamaður hefur, í tengslum við vinnslu persónuupplýsinga um hann, rétt til að: 
1. óska eftir upplýsingum um hvernig Kvika vinnur persónuupplýsingarnar og fá afrit þeim upplýsingum; 
2. óska eftir leiðréttingu á röngum persónuupplýsingum sem Kvika vinnur eða óska eftir að láta fullgera ófullkomnar persónuupplýsingar; 
3. óska eftir því að persónuupplýsingum viðskiptamanns sé eytt telji viðskiptamaður að upplýsingarnar séu ekki lengur nauðsynlegar í þeim tilgangi sem lá að baki söfnun þeirra. Hið sama á við þegar viðskiptamaður dregur til baka samþykki sem vinnsla persónuupplýsinga byggist á og ekki er annar lagagrundvöllur fyrir vinnslunni eða ef vinnsla upplýsinganna er ólögmæt; 
4. óska eftir að Kvika takmarki vinnslu persónuupplýsinga í ákveðnum tilvikum, s.s. þegar vinnslu hefur verið andmælt; 
5. óska eftir því að fá persónuupplýsingarnar á skipulegu, algengu og tölvulesanlegu sniði og fá þær sendar annarri stofnun; 
6. afturkalla áður veitt samþykki fyrir vinnslu persónuupplýsinga. Afturköllun samþykkis hefur ekki áhrif á lögmæti vinnslu á grundvelli samþykkisins fram að afturköllun; 
7. andmæla vinnslu í þágu beinnar markaðssetningar; 
8. andmæla vinnslu persónuupplýsinga sem Kvika vinnur á grundvelli lögmætra hagsmuna, s.s. vinnslu sem felur í sér gerð persónusniðs (persónugreining); og 
9. leggja fram kvörtun hjá Persónuvernd ef viðskiptamaður álítur að vinnsla Kviku á persónuupplýsingunum hans brjóti í bága við gildandi lög. 

Andmæli viðskiptamaður vinnslu persónuupplýsinga mun Kvika hætta vinnslu persónuupplýsinganna nema bankinn geti sýnt fram á lagaskyldu eða lögmæta hagsmuni sem ganga framar hagsmunum viðskiptamanns. Óskir þú eftir frekari upplýsingum um réttindi þín eða hvernig þú getur nýtt þau er þér bent á að hafa samband við persónuverndarfulltrúa Kviku 

SJÁLFVIRK ÁKVARÐANATAKA OG PERSÓNUGREINING

Sjálfvirk ákvarðanataka felur í sér að ákvörðun er tekin á grundvelli sjálfvirkar gagnavinnslu, án aðkomu starfsmanna Kviku eða annarra einstaklinga, og slík ákvörðun hefur réttaráhrif gagnvart viðskiptamanni, s.s. sjálfvirk höfnun lánsumsóknar á netinu. 

Kvika vinnur persónuupplýsingar með það að markmiði að meta ákveðna persónulega þætti er varða viðskiptamann (persónugreining). Bankinn notar persónusnið í eftirfarandi tilvikum: 
1. á grundvelli laga um peningaþvætti o.fl. er bankanum skylt að hafa reglubundið eftirlit með viðskiptum viðskiptamanns, þ.á m. með millifærslum og kortafærslum, í því skyni að kanna hvort þau samrýmist þeim upplýsingum sem veittar voru um viðskiptamann og starfsemi hans er viðskiptasambandið hófst. 
2. í tengslum við lögbundna áhættustýringu bankans er viðskiptamaður flokkaður eftir lánshæfi. Þessi útreikningur byggir m.a. á tekjum, gjöldum, skuldbindingum, atvinnu, starfstíma, viðskiptasögu og upplýsingum frá Creditinfo lánstraust hf. 
3. í tengslum við mat á lánshæfi, í þágu markaðssetningar og net- og upplýsingaöryggis t.d. þegar ákveðið er hvaða þjónusta hentar viðskiptamanni og með mynsturgreiningu í netbanka til að hámarka öryggi fjárhagsupplýsinga þinna. 
4. sem liður í sjálfvirkri ákvörðunartöku sem viðskiptamann varðar en hún fer þannig fram að hugbúnaður vinnur persónuupplýsingar um viðskiptamann á sjálfvirkan hátt og tekur ákvörðun, sem hefur áhrif á hagsmuni viðskiptamanns, án þess að mannshönd eða -hugur komi að henni. 

Dæmi um sjálfvirka ákvarðanatöku er ákvörðun um greiðslumat og lánshæfismat. 

Sjálfvirk ákvarðanataka sem hefur bein áhrif á hagsmuni viðskiptamanns fer einungis fram, að því gefnu að samþykki hans liggi fyrir, ef hún er forsenda þess að unnt sé að gera eða framkvæma samning milli viðskiptamanns og bankans eða ef lög heimila sérstaklega. 

Sjálfvirkar ákvarðanir sem hafa engin réttaráhrif t.d. vinnsla vegna beinnar markaðssetningar sem byggir á lögmætum hagsmunum kann að vera framkvæmd án samþykkis. Slíkri vinnslu má mótmæla hvenær sem er.

Kvika gerir viðeigandi ráðstafanir til þess að vernda persónuupplýsingar viðskiptamanns gagnvart misnotkun, röskun og tjóni, óheimilum aðgangi, breytingum eða birtingu. Þær ráðstafanir sem bankinn styðst við eru einkum: 
1. innleiðum tæknilegar og skipulagslegar ráðstafanir sem ætlað er að tryggja viðvarandi trúnað, samfellu, tiltækileika og álagsþol vinnslukerfa og þjónustu; 
2. stýrum aðgengi einstaklinga að starfstöð Kviku og viðhöfum öryggisvörslu; 
3. stýrum aðgengi starfsmanna og annarra að kerfum sem hafa að geyma persónuupplýsingar; 
4. tryggjum að þeir sem hafa aðgang að persónuupplýsingunum viðskiptamanns, hafi gert viðeigandi verndarráðstafanir til að tryggja öryggi persónuupplýsinga; og 
5. þegar lög áskilja, eyðir bankinn, gerviauðkennir eða dulkóðar persónuupplýsingar viðskiptamanns. 

Við alla vinnu í tengslum við upplýsingaöryggi tekur Kvika mið af staðli um upplýsingaöryggi, ISO 27001, og leiðbeinandi tilmælum Fjármálaeftirlitsins nr. 1/2019 vegna áhættu við rekstur upplýsingarkerfa eftirlitsskyldra aðila. Kvika hefur sett sér skriflega stefnu um stjórnun upplýsingaöryggis. 

Komi upp öryggisbrestur við meðferð persónuupplýsinga þar sem staðfest er eða grunur leikur á um að persónuupplýsingar hafi komist í hendur óviðkomandi aðila er Persónuvernd, og eftir atvikum viðskiptamanni, tilkynnt um öryggisbrestinn nema hann hafi ekki í för með sér mikla áhættu fyrir réttindi og frelsi viðskiptamanns.

Kviku er heimilt að breyta stefnu þessari reglulega til samræmis við breytta viðskiptahætti og lagaskyldu til að stefnan endurspegli sem best þá vinnslu sem fram fer hverju sinni hjá bankanum. Breytingar á stefnu þessari taka gildi án fyrirvara við birtingu á vef bankans, nema annað sé tilgreint. Kvika hvetur viðskiptamann til að skoða stefnu þessa reglulega til að vera upplýstur um hvernig bankinn notar og verndar persónuupplýsingar.

Viðskiptamaður getur haft samband við persónuverndarfulltrúa Kviku með öll mál sem tengjast vinnslu á persónuupplýsingum hans og hvernig hann geti neytt réttar síns samkvæmt lögum um persónuvernd. 

Ef viðskiptamaður hefur spurningar vegna vinnslu persónuupplýsinga eða athugasemdir við stefnu þessa skal beina erindum vegna þess til persónuverndarfulltrúa Kviku, með bréfpósti eða tölvupósti. 

Persónuverndarstefna þessi var síðast endurskoðuð í janúar 2024.

Hvað erum við að biðja um?

Persónuverndarstefna

Verðskrá

Innlánsvextir á Aur reikningum - greiddir út mánaðarlega

Rafrænn greiðsluseðill sendur (skuldfært af reikningi)

* lántökugjöld taka mið af lánshæfismati: A1: 3,95% // A2:3,95% // A3: 4,98% // B1: 4,98% // B2: 4,98% // B3: 4,98% // C1: 5,98%

Höfuðstóll kröfu til og með 2.999 kr.

Höfuðstóll kröfu 3.000 til og með 10.499 kr.

Höfuðstóll kröfu 10.500 til og með 84.999 kr.

Fyrsta ítrekun milliinnheimtutilkynningar

Önnur ítrekun milliinnheimtutilkynningar

* Kreditreikningur sem er kominn í vanskil eftir 4 daga verður lokað (hægt að nota debitkortið)

Gjaldskrá greiðslureikninga - Aur launareikningur

Þegar þú skráir þig í áskriftarleið færðu Aur reikning og kort sem virkar bæði sem debet og kredit. 
Þetta kort getur þú síðan notað í Apple Pay eða Google Pay

Eitt kort, tvær leiðir

Breyttu endurgreiðslum í sparnað hjá Auði 

Leggðu launin inn á Aur

Þú safnar allt að 10% í Klinki þegar þú borgar með Aur kortinu hjá Vinum Aurs. Þú getur svo notað Klinkið til að kaupa tilboð í markaðstorginu okkar, sent það áfram eða breytt því í sparnað hjá Auði.

Reikningur sem stofnast sjálfkrafa sem er með 4,0%* vexti greidda mánaðarlega. Þessi reikningur verður sjálfkrafa nýi móttökureikningurinn þinn.

Þegar þú skráir þig í áskriftarleið færðu debetkortareikning og kort sem virkar bæði sem debet og kredit. Þeir sem eru í Aur Plús áskrift geta óskað eftir kortaheimild og þá verður Aur kortið líka kreditkort. Aur borgar þér 0,5% til baka af innlendum debetfærslum og öllum kreditfærslum.

Þú getur greitt með Apple Pay í öllum posum sem styðja snertilausar greiðslur
innanlands sem og erlendis. Apple Pay virkar líka á vefsíðum og í forritum sem merkt eru með Apple Pay.

Leitaðu að merkinu sem táknar snertilausar greiðslur.

Þú getur bætt Aur kortinu við í Google Wallet og borgað með því í Google Pay í 
öllum posum sem styðja snertilausar greiðslur innanlands sem og erlendis. 

Önnur þjónusta


* Vextir verða 3,75% þann 15.12.2024 og 3,25% 22.01.2025

Kort & ­
reikningar

Í Klíkunni heldur þú utan um kostnað með vinum eða hvaða hóp sem er. Veldu færslur beint úr yfirlitinu þínu og gerðu upp við Klíkuna í appinu.

Klíkan

Útreikningar fyrir hópinn, við græjum! 

Í Klíkunni heldur þú utan um kostnað með vinum eða hvaða hóp sem er. Veldu færslur beint úr yfirlitinu þínu og gerðu upp við Klíkuna í appinu. 

Hvernig virkar Klíkan?

Þú sækir um Aur lán í appinu og getur fengið allt að 800.000 kr. lán í 24 mánuði.

Aur lán

Þú sækir um Aur lán í appinu og getur fengið allt að 800.000 kr. lán í 24 mánuði. Aur lán eru fyrir alla einstaklinga 20 ára og eldri sem standast lánshæfismat Aurs.

Þú getur dreift kortareikningnum þínum í 3 - 12 mánuði. Hægt er að dreifa þremur kortareikningum samtímis.

Þú safnar klinki þegar þú notar Aur kortið þitt hjá Vinum Aurs. Ef þú ert í Aur Plús áskriftarleiðinni færð þú líka 0,50% af allri verslun endurgreitt í klinki. Þú getur svo notað klinkið þitt í Markaðstorginu eða breyta því í önnur verðmæti.

Klink & Markaðstorg

Þú safnar allt að 10% í Klinki þegar þú borgar með Aur kortinu hjá Vinum Aurs.

Það borgar sig að safna Klinki

Hjá Vinum Aurs safnar þú allt að 10% í Klinki þegar þú borgar með Aur kortinu. Hér er yfirlit yfir Vini Aurs en þú sérð þá líka í appinu.


Í Markaðstorginu eru Vinir Aurs með tilboð fyrir alla Aur notendur. Þú getur borgað með Klinki eða af reikningi alveg eins og þér hentar.

Drífðu þig að skoða öll tilboðin þau endast ekki endalaust!

Almennir skilmálar

A.     Almennir skilmálar        

1.      Inngangur og gildissvið samningssambands

1.1.         Skilmálar þessir gilda um viðskiptasamband á milli notanda og Aur app, kt. 510122-2750, sem er hluti af Kviku banka hf., kt. 540502-2930, Katrínartúni 2, 105 Reykjavík („Aur“)  og þá þjónustu sem Kvika banki hf. veitir undir vörumerkinu Aur. Skilmálarnir mynda sjö þætti: A. Almenna skilmála; B. Skilmála greiðslukorta; C. Snertilausar greiðslur; D. Vildarkerfi Aurs; E. Vinnslu og meðferð persónuupplýsinga; F. Lán og G. Önnur ákvæði („skilmálar“ eða „skilmálar Aurs“). Fjármálaeftirlitið hefur eftirlit með starfsemi Aurs sem er hluti af viðskiptabanka skv. 4. gr. laga nr. 161/2002 um fjármálafyrirtæki.

1.2.         Um samningssamband notanda og Aur gilda, auk þessara skilmála, almennir skilmálar vegna viðskipta við Kviku banka hf. („almennir skilmálar Kviku“), sem aðgengilegir eru á vefsvæði Kviku banka hf. („Kvika“) , www.kvika.is. Skilmálar Aurs skulu ganga framar almennum skilmálum Kviku ef í milli ber.

1.3.         Með því að samþykkja skilmála þessa lýsir notandi því yfir að hann hafi lesið, skilið og samþykkt efni þessara skilmála og almennra skilmála Kviku.

1.4.         Skilmálar þessir gilda um þjónustu sem Aur veitir, nánar tiltekið (i) umsókn og notkun notanda á Aur appinu („Appið“) (ii) umsókn og notkun notanda á Aur greiðslukorti samkvæmt B. kafla þessara skilmála, og (iii) snertilausar greiðslur notanda skv. C. kafla þessara skilmála. Það ræðst því af notkun og veittri þjónustu hverju sinni hvaða ákvæði þessa skilmála og almennra skilmála Kviku gilda um viðskiptasamband notanda og Aur. Um vinnslu og meðferð persónuupplýsinga fer samkvæmt E. kafla þessara skilmála. Um lán sem notandi þjónustu Aurs fer samkvæmt F. kafla skilmála þessara og loks er önnur skilmálaákvæði um samningssamband notenda við Aur að finna í G. kafla þessara skilmála.

2.1.         Notandi ber ábyrgð á því að gefa upp íslenskt símanúmer sem hann er sannarlega skráður fyrir, sem og réttar korta- og bankaupplýsingar á sömu kennitölu.

2.2.         Til að skrá sig inn í Appið skal notandi ávallt opna Appið eftir þeim leiðum sem Aur tilgreinir og sannvotta/auðkenna sig með öruggum hætti í samræmi við kröfur Aurs. Notanda ber að gæta sérstakrar varúðar gagnvart fölskum skilaboðum, t.d. SMS-skilaboðum eða tölvupósti með hlekk yfir á meinta innskráningarsíðu Appsins, sem notandi kann að fá send frá þriðja aðila, t.d. í þeim tilgangi að fá uppgefin persónubundin öryggisskilríki og/eða svíkja út fé frá notanda. Aur sendir notendum ekki skilaboð með hlekk til innskráningar í Appið. Aur kann þó að senda notanda skilaboð með hlekk í kjölfar þess að notandi hafi óskað eftir tilgreindri þjónustu frá Aur. Skilaboð frá Aur vísa þá til þeirrar þjónustu sem óskað hefur verið eftir. Fái notandi skilaboð með hlekk, án þess að hafa óskað eftir tilgreindri þjónustu frá Aur, eru skilaboðin fölsk skilaboð og skal notandi þá ekki smella á hlekkinn, svara skilaboðunum eða auðkenna sig eftir þeim. Notandi skal kynna sér leiðbeiningar og tilmæli Aurs um öryggisráðstafanir og fylgja þeim í hvívetna. Varðveiti notandi ekki persónubundin öryggisskilríki sín, eða aðrar sambærilegar upplýsingar, með öruggum hætti eða í samræmi við framangreint telst það vera stórfellt gáleysi.

2.3.         Notandi ábyrgist að uppfæra þær upplýsingar sem um hann gilda þannig að þær séu á hverjum tíma réttar og fullnægjandi. Aur áskilur sér rétt til að fresta eða stöðva framkvæmd greiðslu sem og að krefjast frekari upplýsinga af notanda ef Aur telur ástæðu til að ætla að verið sé að framkvæma greiðslu í andstöðu við skilmála þessa, almenna skilmála Kviku eða landslög.

2.4.         Aur áskilur sér allan rétt til að hafna umsókn um notkun Appsins án þess að tilgreina ástæðu.

2.5.         Með því að samþykkja skilmála þessa heimilar notandi Aur að óska þeirra upplýsinga sem Aur telur nauðsynlegar til að tryggja öryggi þjónustunnar, öryggi notenda og/eða öryggi utanaðkomandi aðila. Upplýsingaöflun getur t.d. falist í fyrirspurnum til notanda eða kröfu um staðfestingar frá honum vegna þeirra upplýsinga sem hann hefur gefið eða aðgerða sem hann hefur framkvæmt.

3.    Varðveisla, meðferð og ábyrgð notanda Appsins

3.1.         Öll notkun Appsins er á ábyrgð notanda og má hann undir engum kringumstæðum deila upplýsingum um PIN númer eða veita öðrum aðila upplýsingar um númerið. Það er á ábyrgð notanda að greiða réttum notanda og/eða krefja réttan notanda um greiðslu. Þegar notandi borgar öðrum notanda felur það í sér yfirlýsingu notanda og staðfestingu á að notandinn eigi næga heimild á greiðslukorti sínu til að geta framkvæmt greiðsluna. Aur áskilur sér rétt til að takmarka einhliða þær upphæðir sem notandi getur millifært. Ef ágreiningur eða tjón verður vegna þess að greitt er með Aur er það Aur og Kviku algerlega óviðkomandi og án ábyrgðar. Notandi getur ekki krafið Aur um skaðabætur af neinu tagi eða endurgreiðslur vegna rangra greiðslna í Appinu, þess að greiðsla berst ekki eða berst ekki fyrir tiltekinn tíma eða ef greiðsla er ógild eða véfengd.

4.    Glataður sími, lokun, afturköllun og uppsögn

4.1.         Ef notandi Appsins  verður var við óeðlilega notkun eða greiðslur af greiðslukorti sínu sem hann telur sig ekki hafa framkvæmt, týnir símanum sínum eða grunar að óviðkomandi hafi vitneskju um PIN númer að Appinu þá er það á ábyrgð notanda að loka tafarlaust fyrir aðgang sinn að Appinu. Nálgast má nánari útskýringar á vefsíðu Aurs, www.aur.is. Aur áskilur sér rétt til að loka fyrir aðgang notanda að Appinu ef grunur um misnotkun eða ranga notkun af einhverju tagi kemur upp, að einhliða mati Aurs. Ef engin notkun hefur átt sér stað í 12 mánuði hefur Aur rétt á að loka aðgangi notanda.

5.    Gjaldtaka og millifærsluheimild

5.1.         Enginn kostnaður fylgir greiðslum með debetkorti í Appinu en ef notandi skráir og millifærir af greiðslukorti fylgir þeim færslum kostnaður samkvæmt verðskrá hverju sinni, sem er aðgengileg á www.aur.is og í Appinu, undir „Um Aur“. Notandi Aurs hefur hámarksheimild á dag og innan mánaðar. Breytingar á verðskrá til hækkunar eru tilkynntar með 30 daga fyrirvara en lækkanir geta tekið gildi strax.

6.1.         Verði Aur fyrir tjóni vegna brota notanda gegn skilmálum þessum eða hvers kyns ásetnings- eða gáleysisverka notanda í tengslum við notkun á Appinu skal notandi bæta Aur það tjón samkvæmt almennum reglum um skaðabætur innan eða utan samninga. Undir ákvæði þetta falla einnig hvers kyns kröfur þriðja manns á hendur Aur vegna notkunar eða umgengni notanda við Appið á grundvelli samnings þessa.

6.2.         Notandi ber ábyrgð á öllum viðskiptum sem gerð eru og/eða upplýsingum sem fengnar eru þar sem öryggisskilríki notanda eru notuð óháð eðli þeirra. Notandi ábyrgist jafnframt tjón sem kann að verða við vörslu eða notkun öryggisskilríkja, t.d. við misnotkun notanda eða annars aðila. Notandi ber alla ábyrgð á og er bundinn af öllum aðgerðum sem framkvæmdar eru í Appinu eftir að sannvottuð innskráning í Appið hefur átt sér stað.

6.3.         Hvorki Aur né notandi skulu teljast brotlegir gegn skilmálum þessum eða ábyrgir gagnvart hinum ef orsök er að rekja til atvika sem viðkomandi aðili hefur ekki á valdi sínu (óviðráðanleg atvik). Óviðráðanleg atvik í þessum skilningi eru m.a. en ekki einskorðuð við náttúruhamfarir, styrjaldir eða almennar óeirðir, aðgerðir opinberra aðila sem gera efndir ómögulegar, vinnudeilur o.þ.h. Hafi efndir verið útilokaðar af framangreindum sökum í 6 vikur eða lengur er hvorum aðila um sig heimilt að slíta samningi þessum með tilkynningu til gagnaðila sem gefin skal með 7 daga fyrirvara.

7.1.         Aðilar að skilmálum Aur kreditkorta eru handhafar greiðslukorts sem gefin er út af Aur („korthafi“) og Aur (einnig vísað til sem „útgefandi“), sem gefur út greiðslukort („kort“) til korthafa.

8.1.         Umsækjandi korts skal fylla út umsókn í Appinu eða senda hana til útgefanda.

8.2.         Útgefandi áskilur sér rétt til að leita allra upplýsinga sem nauðsynlegar eru að mati hans til að afgreiða umsókn, þar á meðal yfirlit um fjárhagsstöðu korthafa í bönkum og sparisjóðum og upplýsingar frá Creditinfo Lánstrausti hf., þ.m.t. upplýsingar um fjárhagsmálefni umsækjanda, og er útgefanda heimilt að hafna umsókn án þess að tilgreina ástæðu. Áskilinn er réttur til þess að kanna sömu upplýsingar á atviksbundnum grundvelli, t.d. ef korthafi óskar eftir hækkun heimildar, greiðslufall verður hjá korthafa eða önnur þau atvik eru fyrir hendi sem gefa tilefni til slíkrar könnunar.

8.3.         Áður en kort er gefið út, eða hvenær sem útgefandi fer fram á slíkt, skal umsækjandi eða korthafi leggja fram fullnægjandi tryggingu, að mati útgefanda, fyrir skilvísum greiðslum úttekta með korti.

8.4.         Kortið er gefið út til ákveðins tíma í senn og stofnast þá kortareikningur. Standi korthafi við skuldbindingar sínar er kort hans endurnýjað, án umsóknar, en gegn mánaðargjaldi. Mánaðargjald er fært fyrirfram á kortareikning, samkvæmt verðskrá Aurs, fyrir 1 mánuð í senn.

8.5.         Korthafa er óheimilt að nota kortið eftir að gildistími þess rennur út. Misnotkun korts getur varðað við lög, sbr. m.a. 249. gr. almennra hegningarlaga nr. 19/1940.

8.6.         Vilji korthafi afturkalla umsókn sína skal hann tilkynna það til útgefanda með símtali eða tölvupósti.

9.    Afhending korts og samþykki skilmála

9.1.         Með fyrstu notkun kortsins samþykkir korthafi að hlíta þessum skilmálum . Um notkun korthafa gilda þessir skilmálar, sem birtir eru á heimasíðu www.aur.is,  og almennir skilmálar vegna viðskipta við Kviku banka hf. sem aðgengilegir eru á vefsíðu Kviku banka, www.kvika.is. Umsækjanda ber í hvívetna að fylgja skilmálum útgefanda. Áður en umsækjandi notar kortið ber honum að kynna sér skilmálana vandlega.

9.2.         Með notkun endurnýjaðs korts samþykkir korthafi þá skilmála sem þá eru í gildi. Ber honum að kynna sér skilmálana vandlega.

9.3.         Hvenær sem er, meðan á samningssambandi stendur, getur korthafi óskað eftir að fá afhenta þessa skilmála á pappír eða öðrum varanlegum miðli endurgjaldslaust.

10.1.         Korthafi hefur einn heimild til að nota kort sitt. 

10.2.         Kortið veitir rétt til úttektar á vöru og þjónustu hjá þeim sölu- og þjónustuaðilum sem taka við kortum.  

10.3.         Aur ákveður einhliða hámarksheimildir á úttektum með kortum, t.d. í hraðbönkum og posum, og áskilur sér rétt til að synja um hækkun heimildar. Korthafi ábyrgist að nota kortið ekki umfram heimild á reikningi. Að öðrum kosti kann að koma til kostnaðar í samræmi við verðskrá og refsiábyrgðar lögum samkvæmt.  

10.4.         Sé rökstuddur grunur um óheimila eða sviksamlega notkun korts eða ef notkun korts er ekki í samræmi við skilmála þessa áskilur Aur sér rétt til að synja um heimild og loka korti og fara fram á afhendingu þess til Aur. Aur áskilur sér rétt til að breyta öryggiskröfum sínum án fyrirvara.  

10.5.         Sannvottun/auðkenning er aðferð sem gerir Aur kleift að sannreyna deili á viðskiptavini eða heimild til notkunar tiltekins greiðslumiðils, þ.m.t. notkunar á persónubundnum öryggisskilríkjum viðskiptavinar. Auðkenning felst í innslætti persónubundinna öryggisskilríkja eins og PIN eða einskiptis auðkennisnúmers/kóða, annars konar öryggisnúmers til auðkenningar eða notkun lífkennis. Auðkenning getur einnig falist í notkun annarra aðferða við auðkenningu, allt í samræmi við öryggiskröfur Aur á hverjum tíma. Aur ákveður kröfur til sannvottunar/auðkenningar.

10.6.         Boðgreiðslur eru byggðar á samningi milli söluaðila (viðtakanda greiðslu) og korthafa, þar sem korthafi samþykkir að reglulegar greiðslur fyrir vörur og þjónustu séu skuldfærðar á greiðslukort og fela í sér fyrirfram veitt greiðslufyrirmæli. Sé korti lokað eða það endurnýjað með nýju númeri er Aur heimilt að skuldfæra boðgreiðslur á nýja kortið eða annað greiðslukort í eigu korthafa. Aur ber ekki ábyrgð á tjóni sem korthafi kann að verða fyrir ef ekki verður af framkvæmd greiðslufyrirmæla. Vilji korthafi afturkalla eða stöðva regluleg greiðslufyrirmæli með boðgreiðslum ber honum að snúa sér að söluaðila. 

10.7.         Viðskiptareikningur korthafa skal almennt skuldfærður fyrst, sé þar innstæða fyrir úttektarbeiðni, reynist ekki næg innstæða á viðskiptareikningi reiknast færslan af gildandi heimild. Korthafar geta sjálfir breytt þessum stillingum í Appinu þannig að færslur falli strax undir heimild viðkomandi korts en kortareikningur skuldfærist ekki jafn óðum. 

10.8.         Úttektir korthafa í erlendri mynt eru umreiknaðar í íslenskar krónur á því VISA gengi, viðmiðunargengi (gengi VISA EUROPE), gjaldmiðla sem gildir í greiðslukortaviðskiptum milli landa þegar úttektarfærsla berst útgefanda. Ofan á viðmiðunargengið er lagt álag. Gengi gjaldmiðla og álag í greiðslukortaviðskiptum með kort eru birt á heimasíðu Aur, www.aur.is. Korthafi greiðir einnig sérstakt úttektar- eða greiðslugjald samkvæmt verðskrá Aur, eins og hún er á hverjum tíma.

10.9.         Gengi til útreiknings á erlendum færslum greiðslukorta og færslum í annarri mynt en grunnmynt greiðslukorts tekur breytingum sem byggjast á breytingum á gengisskráningu hjá viðkomandi kortafyrirtæki auk álags eða eftir atvikum affalla. Breytingar á gengi sem byggjast á breytingum á viðmiðunargengi samkvæmt skilmálum þessum taka gildi þegar í stað og án viðvörunar. 

10.10.         Korthafi nýtur gengishagnaðar eða tekur á sig gengistap vegna þróunar gengis viðkomandi gjaldmiðla. 

10.11.         Um reikninga og greiðslur í erlendum gjaldmiðli gilda lög nr. 87/1992 um gjaldeyrismál og reglum settum með heimild í þeim lögum. 

10.12.         Korthafi ber ábyrgð á því að öll gögn og allar upplýsingar, á hvaða formi sem er, sem hann veitir bankanum í tengslum við gjaldeyrisviðskipti eða fjármagnshreyfingar á milli landa séu rétt og ófölsuð og ber hann ábyrgð á áreiðanleika þeirra. 

10.13.         Skiladagur erlendrar færslu frá söluaðila til færsluhirðis ákvarðar á hvaða kortatímabil úttekt færist. Hins vegar miðast innlendar færslur við færsludag. 

11.1.      Korthafi er ábyrgur fyrir varðveislu kortsins, PIN, einskiptis auðkenningarnúmers/kóða og annarra persónubundinna öryggisskilríkja til þess að koma í veg fyrir að þriðji aðili geti komist yfir kortið, persónubundnu öryggisskilríkin eða aðrar upplýsingar um kortið, t.d. kortanúmer eða öryggisnúmer.

11.2.      Korthafa er óheimilt að láta kortið, PIN, einskiptis auðkenningarnúmer/kóða önnur persónubundin öryggisskilríki eða aðrar upplýsingar um kortið þriðja aðila í té og skal korthafi gæta fyllsta öryggis upplýsinganna. Korthafa er óheimilt að geyma PIN eða önnur persónubundin öryggisskilríki með kortinu, í veski sínu, í farsíma, á netinu eða með öðrum rafrænum búnaði eða öðrum hætti sem kann að vera aðgengilegur þriðja aðila. Korthafa er óheimilt að fjölfalda kortið eða breyta virkni þess.

11.3.      Korthafa ber að gæta sérstakrar varúðar gagnvart fölskum skilaboðum, t.d. SMS-skilaboðum eða tölvupósti, sem korthafi kann að fá send frá þriðja aðila í þeim tilgangi að fá uppgefin persónubundin öryggisskilríki eða aðrar upplýsingar um kortið. Varðveiti korthafi ekki kortið, PIN, önnur persónubundin öryggisskilríki eða aðrar upplýsingar um kortið með öruggum hætti eða í samræmi við framangreint telst það vera stórfellt gáleysi.

11.4.      Korthafa ber ávallt að gæta þess að enginn sjái PIN, önnur persónubundin öryggisskilríki eða aðrar upplýsingar um kortið. Korthafi skal ekki samþykkja framkvæmd greiðslu með einskiptis auðkenningarnúmer/kóða, sem hann kann að fá sendan, nema hafa sannreynt að um rétta fjárhæð, réttan gjaldmiðil og réttan viðtakanda sé að ræða. Sinni korthafi ekki varúðarskyldum sínum í samræmi við framangreint telst það vera stórfellt gáleysi af hans hálfu.

11.5.      Korthafi eða reikningseigandi geta ekki afturkallað greiðslur/úttektir sem korthafi framkvæmir með korti eða sýndarnúmeri því tengdu. Korthafi er ábyrgur fyrir greiðslu/úttekt hafi hann staðfest framkvæmd hennar með undirritun á sölunótu eða með því að slá inn eða gefa upp persónubundin öryggisskilríki (t.d. PIN), með því að skrá upplýsingar um kort í þar til gerða reiti við kaup á vörum eða þjónustu á netinu eða gefa upp slíkar upplýsingar munnlega, með því að gefa upplýsingar um öryggisnúmer við símgreiðslu, með fyrirfram veittri heimild til söluaðila, með framkvæmd snertilausrar greiðslu, með staðfestingu á greiðslu með einskiptis auðkenningarnúmeri/kóða eða með því að samþykkja framkvæmd greiðslu/úttekt með öðrum hætti til samræmis við reglur Aur hverju sinni.

11.6.      Korthafi skal sjálfur framkvæma greiðslu/úttekt og slá inn PIN eða önnur persónubundin öryggisskilríki eða upplýsingar um kortið. Hafi korthafi ekki varðveitt kortið, PIN, önnur persónubundin öryggisskilríki sín eða aðrar upplýsingar um kortið tryggilega til samræmis við skilmála þessa er hann ábyrgur fyrir öllum greiðslum/úttektum sem framkvæmdar eru með kortinu. Aur gengur út frá því að allar greiðslur/úttektir með korti hafi verið framkvæmdar af korthafa og í samræmi við vilja reikningseiganda. Sé korthafi annar en reikningseigandi bera reikningseigandi og korthafi fulla ábyrgð á notkun kortsins og öllum greiðslum/úttektum sem framkvæmdar eru með kortinu.

11.7.      Greiðslur/úttektir með korti koma fram á færsluyfirliti kortareiknings/reikningsyfirliti greiðslureiknings („yfirlit“). Á yfirlitinu koma fram upplýsingar um sundurliðun fjárhæða greiðslna/úttekta, gengi, fjárhæð greiðslu eftir gjaldmiðilsumreikning, gildisdag skuldfærslu eða dagsetningu viðtöku greiðslufyrirmæla, nafn söluaðila auk upplýsinga um greiðslur tímabils sem gjaldfalla á næsta gjalddaga. Um yfirlit gilda að öðru leyti ákvæði skilmála þessara eftir því sem við á.

11.8.      Kort Aurs tengjast við rafrænt veski (e. Wallet) og fer greiðsla fram á snertilausan hátt með farsíma eða öðru snjalltæki. Korthafi getur jafnframt óskað eftir að fá afhent kort. Greiðsla með korti í Appinu eða rafrænu veski jafngildir áritun á sölunótu.

12.1.      Viðskipti með korti eru bundin við ákveðnar hámarks fjárhæðir mismunandi eftir sölu- og þjónustuaðilum. Þeim aðilum er heimilt að sækja um hækkun heimildar vegna tiltekinna viðskipta. Innstæða á viðskiptareikningi, auk gildandi heimildar korts er hámarksúttektarheimild á hverjum tíma.

12.2.      Útgefanda er heimilt að synja um heimild fyrir úttekt á korti og er honum aldrei skylt að verða við beiðni um hækkun úttektarheimildar. Algengustu ástæður þess að útgefandi synjar úttektarbeiðni eru eftirfarandi: Kort hefur verið tilkynnt glatað eða stolið, korthafi fer yfir hámarksúttektarheimild kortsins, skuld korthafa við útgefanda er gjaldfallin, rangt PIN- númer hefur verið slegið inn eða gildistími kortsins er útrunninn. Sé fyrir hendi rökstuddur grunur um óheimila eða sviksamlega notkun kortsins er heimilt að synja um úttektarheimild. Í því tilviki er korthafa gert viðvart án tafar. Reynist sá grunur ekki á rökum reistur er opnað fyrir heimildagjöf þegar í stað.

12.3.      Korthafi ábyrgist að ekki verði tekið út á einstök kort útgefnum af Aur umfram útgefnar heimildir og að heildarúttektir á kortareikningi hans verði ekki umfram það sem samið hefur verið um. Hámarksfjárhæð heimilar peningaúttektar ákvarðast m.a. af tegund korts og úttektarheimildum korthafa.

12.4.      Almennt kortatímabil, sem reikningsyfirlit korthafa miðast við, er mánuður og er frá 27. hvers mánaðar til 26. hvers mánaðar.

13.1.      Korti geta fylgt ýmis hlunnindi, svo sem tryggingar sem korthafi getur valið á milli, viðlagaþjónusta, heimild til afborgunarlána auk margvíslegra sértengdra fríðinda samkvæmt auglýstum skilmálum þar um á hverjum tíma.

13.2.      Útgefandi hefur heimild til að breyta, auka eða fella niður hlunnindi og/eða fríðindi samkvæmt þessari grein, enda verði korthöfum kynntar slíkar breytingar á sama hátt og breytingar á skilmálum þessum, sbr. 30. gr.

13.3.      Upplýsingar um þau hlunnindi er tengjast mismunandi tegundum korta má finna í Appinu og á heimasíðu útgefanda, www.aur.is.

13.4.      Útgefandi gefur út kort sem tengjast vildarkerfi Aurs sem nánar er lýst í D-lið skilmála þessara.

14.1.      Útgefandi færir á kortareikning korthafa allar úttektir sem berast á kort hans og er korthafi ábyrgur fyrir greiðslu á þeim úttektum.

14.2.      Korthafa ber að greiða viðkomandi útgefanda úttektir tímabils, sem gjaldfalla á næsta eindaga að fullu í síðasta lagi 2. dag hvers mánaðar en sé sá dagur almennur lokunardagur banka og sparisjóða færist eindaginn til næsta afgreiðsludags. Hafi greiðsla ekki borist innan þess tíma skulu greiðast dráttarvextir frá gjalddaga til greiðsludags, eins og þeir eru auglýstir af Seðlabanka Íslands á hverjum tíma.

14.3.      Hafi korthafi veitt útgefanda heimild til skuldfærslu kortreiknings af viðskiptareikningi sínum verður hún gerð á eindaga.

14.4.      Verði um vanskil að ræða hjá korthafa áskilur útgefandi sér fullan rétt til að loka kortinu og hefja innheimtu skuldarinnar á kostnað korthafa samkvæmt verðskrá útgefanda. Útgefanda er jafnframt heimilt að skuldfæra bankareikninga í eigu viðskiptamanns vegna gjaldfallinna krafna Aurs á hendur viðskiptamanni, áfallinna gjalda eða út lagðs kostnaðar Aurs á hvaða tíma sem er án samþykkis viðskiptamanns.

15.1.      Hafi korthafi athugasemdir við reikningsyfirlit sitt ber honum að gera skriflega og undirritaða athugasemd hjá útgefanda innan 10 daga frá eindaga greiðslu. Eftir 30 daga frá skiladegi færslu samkvæmt greiðsluyfirliti er útgefanda ekki skylt að taka athugasemd til meðferðar.

15.2.      Telji korthafi að kort hans hafi verið notað með sviksamlegum hætti ber honum að tilkynna það án tafar til útgefanda. Í öllum tilvikum þegar grunur um sviksamlega kortanotkun er fyrir hendi ber útgefanda að loka korti og korthafa að afhenda kortið til útgefanda. Korthafa ber skylda til að aðstoða útgefanda við vinnslu málsins og lágmarka tjónið eins og kostur er.

15.3.      Þrátt fyrir greinar 15.1 og 15.2 hefur korthafi að hámarki 13 mánuði til að gera athugasemdir við reikningsyfirlit. Hinn lengdi tímafrestur gildir þó aðeins ef korthafi getur sannað að útgefandi hafi ekki uppfyllt skilyrði skilmála þessara um birtingu reikningsyfirlits eða að ómögulegt hafi verið að hafa uppi athugasemdir innan áðurnefndra tímamarka.

15.4.      Ef söluaðili er ófús eða ófær um að inna af hendi þá þjónustu sem korthafi hefur greitt fyrir, atburði aflýst eða söluaðili hættur rekstri, getur korthafi sent skriflega kvörtun til útgefanda, innan 30 daga frá þeirri dagsetningu sem þjónustuna átti að inna af hendi, sé hún sannanleg. Kvörtuninni skulu fylgja fullnægjandi gögn til staðfestingar kaupum. Hafi þjónustan sannanlega ekki verið innt af hendi vegna framangreindra ástæðna, endurgreiðir útgefandi fjárhæð sem svarar vanefndunum. Komi óviðráðanlegar ytri aðstæður upp (force majeure), sem varða ekki viðkomandi söluaðila eingöngu, svo sem náttúruhamfarir, sprengjuárás/sprengjuhótun, stríð, verkföll, faraldur, viðskiptabann, sjótjón og óeirðir, í veg fyrir að söluaðili geti uppfyllt skyldur sínar gagnvart korthafa, veitir slíkur ómöguleiki korthafa ekki rétt til endurgreiðslu samkvæmt framangreindu.

15.5.      Sérhver ágreiningur út af gæðum vöru eða þjónustu skal leystur beint á milli korthafa og seljanda og ber útgefandi enga ábyrgð á gæðum keyptrar vöru eða þjónustu.

15.6.      Útgefandi ber ekki ábyrgð á tjóni korthafa og ábyrgist ekki skaðleysi hans geti hann ekki notað kort vegna galla í kortinu, þ.m.t. en ekki takmarkað við galla í örgjörva kortsins. Telji korthafi kort gallað skal hann skila kortinu til útgefanda. Reynist kortið gallað á korthafi rétt á nýju korti sér að kostnaðarlausu.

15.7.      Útgefandi ber ekki ábyrgð á tjóni korthafa vegna tæknilegrar bilunar í hraðbanka eða öðrum sjálfsafgreiðslutækjum, né heldur á tjóni korthafa sem hlýst af því að sjálfsafgreiðslutæki hefur ekki samband við heimildarkerfi útgefanda. Telji korthafi að hann hafi orðið fyrir slíku tjóni skal hann senda útgefanda skriflega kvörtun. Útgefandi framsendir kvörtun korthafa til þess færsluhirðis sem ber, fyrir hönd viðkomandi sölu- eða þjónustuaðila, að færa fram fullgild rök fyrir því að búnaðurinn hafi starfað rétt þá er umrædd viðskipti fóru fram, en er ella ábyrgt fyrir tjóninu. Ábyrgð færsluhirðis takmarkast við beint fjárhagslegt tjón korthafa. Færsluhirðir ábyrgist ekki tjón þegar tæknibilun á að vera korthafa ljós, svo sem þegar skilaboð þess efnis koma fram á tölvuskjá.

15.8.      Útgefandi ber ekki ábyrgð á því ef móttöku korts er hafnað sem greiðslu hjá söluaðila eða í sjálfsafgreiðslutæki, né því tjóni sem leitt getur þar af. Með sama hætti ber útgefandi ekki ábyrgð á því ef reiðufé fæst ekki tekið út á kortið hvort sem er í hraðbönkum eða annars staðar.

15.9.      Í samræmi við reglur VISA EUROPE fær korthafi endurgreiðslu eftir að ljóst er að hann á rétt á endurgreiðslu. Endurgreiðslan er greidd inn á það kort sem viðkomandi úttekt var færð á. Útgefandi ber ekki ábyrgð á tjóni eða kostnaði korthafa vegna færslna sem framkvæmdar eru með sannvottun (e. verified by VISA) eða staðfestar með PIN númeri korthafa.

15.10.  Í þeim tilvikum að fyrir hendi er greiðsluþjónustusamningur milli korthafa og söluaðila um sjálfvirkar greiðslur, eða úttekt hefur verið gerð á kort korthafa eftir að þjónusta var afhent í tilviki bílaleiga, hótela og skemmtiferðaskipa, hefur korthafi 8 vikur frá færsludegi til að gera skriflega og undirritaða athugasemd með ósk um endurgreiðslu. Hafi korthafi lagt fram athugasemd innan tímafrests og framvísað viðeigandi gögnum máli sínu til stuðnings, fær hann innan 10 daga rökstudda synjun eða endurgreiðslu og þá með fyrirvara um að reglur VISA EUROPE leiði til þess að hann eigi réttmætt tilkall til endurgreiðslu. Leiði reglur VISA EUROPE til þess að korthafi á ekki réttmætt tilkall til endurgreiðslu verður hún innheimt af kortreikningi korthafa. Vilji korthafi ekki una niðurstöðunni getur hann kært hana til úrskurðanefndar um viðskipti við fjármálafyrirtæki.

15.11.  Endurgreiðsla skal framkvæmd eins fljótt og við verður komið eftir að ljóst er að korthafi á rétt á endurgreiðslu og færð inn á þann kortareikning sem út af var tekið.

16. Vanefndir, lækkun heimildar og lokun korta

16.1.      Kort er eign útgefanda og er honum heimilt að loka og afturkalla öll kort korthafa án þess að tilgreina ástæðu.

16.2.      Útgefanda er heimilt að lækka heimild korthafa eða loka fyrirvaralaust og án tilkynningar öllum kortum korthafa í eftirfarandi tilvikum:

i.         Ef korthafi eða handhafi korts vanefnir skyldur sínar samkvæmt skilmálum þessum.

ii.       Ef korthafi eða handhafi korts tekur upp fasta búsetu utan Íslands.

iii.      Ef fjárnám er gert hjá korthafa eða ábyrgðarmanni, fram komi ósk um gjaldþrotaskipti á búi þeirra eða leiti þeir nauðasamninga.

iv.      Ef vanskil verða af hálfu korthafa á greiðslum gjaldfallinna krafna vegna notkunar korts eða útgefandi þarf að afskrifa ógreiddar kröfur á korthafa vegna kortanotkunar.

16.3.       Ef vanefndartilvik kemur upp getur Aur fyrirvaralaust og án viðvarana gjaldfellt allar eftirstöðvar. Ef reikningur, afborgun láns og/eða greiðslur raðgreiðslusamnings eru í vanskilum, 14 dagar eru liðnir frá eindaga og ekki hefur verið samið um greiðslu þeirra, verða eftirstöðvar þeirra lána/raðgreiðslusamninga sem í vanskilum eru gjaldfelldar. Við gjaldfellingu ber korthafa/viðskiptavini að greiða eftirstöðvar þeirra auk vaxta og kostnaðar. Gjaldfelling hefur sömu þýðingu og að allir reikningar séu komnir á eindaga.

16.4.      Vanefni korthafi/viðskiptavinur skuldbindingar sínar ber honum að greiða dráttarvexti í samræmi við ákvörðun Seðlabanka Íslands á hverjum tíma um grunn dráttarvaxta og vanefndaálag sbr. 1. mgr. 6. gr. laga nr. 38/2001 um vexti og verðtryggingu af gjaldfallinni eða gjaldfelldri fjárhæð frá gjalddaga til greiðsludags.

16.5.      Komi til vanefnda af hálfu korthafa/viðskiptavinar á skyldum hans skuldbindur hann sig til þess að greiða allan kostnað sem Aur verður fyrir vegna vanefndanna, þ.m.t. lögfræðikostnað vegna innheimtu á greiðslum höfuðstóls, vaxta og kostnaðar.

16.6.      Korthafi/viðskiptavinur er upplýstur um að vanefni hann einhverja skuldbindingu sína gagnvart samstæðu Kviku banka hf. geti það leitt til gjaldfellingar allra skuldbindinga við samstæðuna.  Á meðan korthafi/viðskiptavinur er í vanskilum áskilur Aur sér rétt til að loka fyrir frekari viðskipti, þar til gjaldfallin skuld er að fullu uppgerð.

16.7.      Korthafi/viðskiptavinur er upplýstur um og heimilar Aur að óska skráningar á vanskilaskrá Creditinfo á vanskilum viðskiptavinar sem hafa varað í að minnsta kosti 40 daga frá eindaga að öðrum skilyrðum uppfylltum. Nánari upplýsingar má finna á https://www.creditinfo.is/lausnir-og-gogn/vanskilaskra.aspx

Spurt & svarað

Gengi gjaldmiðla

Þú færð 2,6% gjaldeyrisálag endurgreitt á erlendum debetkortafærslum í formi Klinks

Þetta er upplýsingasíða um könnun til notenda.

Aur notendum hefur verið send stutt þjónustukönnun. Könnunin er send á handahófskenndann hóp notenda og er mikilvægur liður í því að fá viðhorf notenda til þess að bæta þjónustuna enn frekar. Könnunin er framkvæmd af Prósent og er gert ráð fyrir að hún standa yfir í tvær vikur. Dregnir verða út 10 svarendur sem fá 10.000 kr. í Klink á Aur aðganginn sinn. 

Könnunin gefur Aur nauðsynlega innsýn inní upplifun notenda af ýmsum þáttum þjónustunnar. Könnunin gefur notendum okkar einnig tækifæri til að koma skoðun sinni á framfæri og almennri upplifun af samskiptum sínum við Aur. 

Við þökkum notendum kærlega fyrir þátttökuna og fyrir að hjálpa okkur að bæta þjónustuna.

Spurningum varðandi þjónustukönnunina má beina til þjónustvers Aurs, aur@aur.is 

A short service survey has been sent to Aur users. The survey is sent to a random group of Aur users and is an important part of getting our users opinion in order to further improve the service. The survey is conducted by Prósent and is expected to last for two weeks. 
10 random participants will recieve 10.000 kr. in Klink added to their Aur account. 

This survey gives Aur a necessary insight into the users experience of various aspects of the service. The service survey also gives our users the opportunity to express their opinion and general experience of their interactions with Aur.

We thank our users very much for their participation and for helping us improve our service. 

Náðu í appið!